الأحد، 19 يوليو 2020

الاختيار ....... للشاعرة راوية حسن



عارف بس مين اللى اختار
ومين فينا اللى كان له قرار
مش انت بعدت وسبتنى انهار
كنت اتحايل اقلك نبقى
تقولى خلاص اخدت قرار
ضيعت سنين عمرى فى حبك
وروحت مبلغ تانى فرار
ليه دايما انت بتلومنى
وانت كان فينك فى المشوار
ياما حلمت ايام تجمعنا
وكنت ساعتها انا اللى اختار
لكن روحت قلت بلاها
وريحت نفسك واخدت قرار
قلت ليه حتتعب نفسك
وانت نهيت وسبت الدار
روحت اسال عليك وقالولى
انك روحت مشيت بنهار
اعمل ايه فى قلبى وحيرتى
هنت عليك انا قلبى انهار
واستنيت ليالى طويله
قلت حييجى يشوفنى هزار
لاء ده انا جد وجد الجد
وفى الحته دى انا حختار
انت فاكرها عليا بسيطه
لكن كانت صعب مرار
عدت كل ايامى صعبه
من غيرك انا كنت ف نار
ولما جيتلك وليت وشك
وقلت خلاص الحب مرار
روحت امشيت وبعدت كمان
وقولت خلاص ليه انا انهار
هو اختار طريقه بنفسه
وكمان بعدنى عن الانظار
روحت بعيد بعيد عن نفسى
وقولت لنفسى الحب احتار
بينى وبينك اه ياقلبى
انت تعبت من المشوار
خلى مشاعرك جوه ياقلبى
اللى عشانه انا بنهار
ضيع اجمل حاجه مابينا
وقالى خلاص اخدت قرار
وخلاص خلصت كده حكايتنا
اشكى لمين واقول ده حرام
انك تجنى عليا وقلبى
وده كان رايدك باستسلام
كنت استنى عليا شويه
الم جروحي ما انا فى منام
لا ده كابوس
ونفسي اصحى منه قوام
ابعد حبعد ومش راح اسامحك
قلبى تعب لسنين قدام
نفسى اصالح قلبى وانسى
وانسيه كل ده ياسلام
~~~~~~~~~~~~~~~
بقلمى/راوية حسن

ليست هناك تعليقات:

إرسال تعليق

فن البوستات كمال العطيوى