بكره لما نغيب ع الدنيا
يفتكرونا كتير احباب
اصل احنا عمرنا ماجرحنا
ولاتعبنا قلوب بعذاب
طيفنا حيفضل قدام عينهم
عنهم ابدا عمره ماغاب
يااللى كنتم عايشين بينا
حال الدنيا يبقى سراب
من بعد فراقكم يااحبابنا
قالوا ان الهوى غلاب
طيب كيف حالكم ده الوقت
ليه دايما حاسين اغراب.
نفسى اطمن قلبى عليكم
لساكم فاكرنا احباب
ولا بقينا خلاص من الماضى
ولا احنا كنا سراب
عايزه ابص تانى للصورة
واشوف نفسى بأمل كداب
واوهم نفسي واقول موجوده
بس الصورة عليها ضباب
كنا ليهم دوا لجروحهم
كنا ليهم دفا وامان
راح يفتكروا طيبة قلوبنا
وحبنا ليهم اللى زمان
ولحن جميل كنا نغنيه
احنا وهما وكتير الحان
اوعوا بقى تنسونا يوم
وتقولوا علينا كنا وكان
خلى الذكرى تبقى لبكره
وصورتنا دايما عى البال
واوهم نفسى واقول موجوده
بس الصوره عليها ضباب
بكره يعدى وامالى تبدأ
وانت معايا اغلى الاحباب
~~~~~~~~~~~~~~
بقلمي/راويةحسن
ليست هناك تعليقات:
إرسال تعليق