بلادي
كنتي يا بلاد الشام بلاد الخير والآمان
كنت الحب و الحنان. باسمى آياته
بلد الغني والفقير والمعدوم والطفران
الكل عايش فيكي مصروفه عاقد ليراتو
اولاد الحلال فيكي كثار وللفقير
إخوان
ما بينسوا حدى فقير محتاج موناتو
مهما كان وضع الفقير معتر وتعبان
ابدا فيها ما بياكل فقير هم خبزاتو
اتعدوعليكي الاوغاد ومالت بيضةالقبان
ينابيعك جفت و البير نشفوا
مياتو
بلاوي و مصايب مع تدمير
للاوطان
ساووا الاوباش بنايات الوطن مثل ساحاتو
هاجمونا الاوغاد من كل الدول والبلدان
طويل العمر منا نفذ بحياتو
حتى وجعنا عم اكثر اشقائنا العربان
بتونس وليبيا ومصروالسودان الوجع ذاتو
سوريا والعراق حتى لبنان شعلان
سلط الظالم علينا كل قواته
لأجل الغاز والنفط خلو أوطننا
بخبر كان
حرقوا بيوتنا وبأرواحنا عاتوا
الرجل الشريف ببيتو يسند الحيطان
خجلان يعزم حدى من أهله أو رفقاته
شهدائنا رحلوا فداء الأهل والأوطان
اهل الشهيد ماتو قهر وشربوا حسراته
من اجل الوطن استشهدوا
ابطالناالشجعان
بعدهم حفنه من الاندال بالوطن عاتو
من كان شحاد مامعه ثمن بكيت دخان
ازعر مفلس داير عحل شعراتو
صار مقاول بناء بمشاريعه يرفع
البنيان
ماعاد تنحصى اموالو وعماراته
سياراته متعدده الاحجام والالوان
باكبر ملاهي البلد سكراتو وسهراتو
خيانه للوطن وسرسره وشغل
زعران
بترول ومخدرات وسلاح
صفقاتو
ماهمه من البشرمين مات ومين
كان
همه الوحيد بالدنيا فلوسه تكثر
ويزيد بالبنك رصيدو ودولاراتو
الشاعر
سعيد الحكيم
ليست هناك تعليقات:
إرسال تعليق