دى غلطتى
كتبها خيرى صابر
..............
دى غلطتى انى عشقتك
بكيت قصادى وصدقتك
ومرت الأيام بينا
وانت اتكتشفت على حقيقتك
وقدرت تخدعنى سنوات
وعمرى جنبك عدى وفات
وجاى دلوقتى تقولى
ان حبى فى قلبك مات
مقولتليش ليه من الأول
مكانش حبى ليك طول
وانا اللى عيشت سنين لهواك
وازاى فى ثانيه بتتحول
كنت بتكدب وانا اصدق
وانت مفيش عندك مبدأ
واعدتنى وخليت بيا
كان قلبى بالحب بيبدأ
يا قلبى عاوزك تسامحنى
انسى جراحك ريحنى
انا اللى حطيتك فى النار
والحب عمره مافرحنى
ليست هناك تعليقات:
إرسال تعليق