محتاج أغير سكتى
يمكن ألاقى ضحكتى
واعرف لفين
رايحه الخطاوى ف دنيتى
محتاج لقلب يحبنى
ويشدنى
لعيون بتعشق فرحتى
مهما انحنى
وتمدى لى طوق النجاه
وعشانها تبقى محبتى
محتاج ايدين
تبقى عليا حنينه
وتصب لى
كأس السعاده والهنا
وان يوم بكيت على حلم راح
تمسح كفوفها دمعتى
محتاج لكلمة طيبة
مافيهاش جراح
محتاج لحضن يضمنى
مليان براح
وان راح له قلبى يشتكى
يسمع سماح
ويكون لى روحى ومهجتى
*******************
رضا أبوالغيط
ليست هناك تعليقات:
إرسال تعليق