اكيد لساكي مش عارفة
بأن حتة مالكة الروح
و انا مجروح
و جرحي قد يطيب يوما
و اكون لك زي ما تحبي
أنا فاتح بيبان قلبي
و هاستني الزمن يسمح
و اضمك و انسى اوجاعي
و اقول تاني مفيش داعي
يجوز باسكت و مش بانطق
و لا باجي على بابك
يجوز مرة باتوه عني
و باكره نفسي ف غيابك
و جايز بردو باخدعني
و اقول الفرح ضاع مني
و ليل البعد طال بيا
و إبان بالكذب متهني
و ماسك حلمي مع حلمك
و باروي بدمعي ف ورودك
يجوز بانسي كتير اني
عشقت العمر ف وجودك
و نفسي التقي روحي
و روحك و ابقى انا انتي
و انام و احلم على صدرك
و اقول صنتك كما صنتي
حبيبتي
اوعي تنسى بأنك اغلا ما ليا
و اني مهما يوم ابعد
غرامك احلا ما فيا
ليست هناك تعليقات:
إرسال تعليق