بزعل (مقصوده)
--------
بزعل
لما الاقي شاعر
فى اشعاره واعر
كاتب وب يتفاخر
(حروف كذب ومتخيلها)
*
ومتكهرب ومتعصب
وبيزم ويسب ويضرب
(ومسودها ومنيلها)
*
وسطور كتير
كأنه خبير
(ويفصصها ويحللها)
*
طب ادرسها
او اسأل اللى مارسها
(دا الكلمه تعرفها من احساسها)
يمكن اشااااااعه
وانت ب تكملها
او اخبار مسيءه
وانت ب تمولها
*
ولا عشااان شاعر
فاكر نفسك ماهر
وواد خلاصه وشاطر
(ومن الشعرا اللي بتعقلها)
*
ولاعندك حصانه
وحروفك منصانه
وزرغتي ياللي معانا
دا ناءب البرلمان
لو هاااان إنسان
(الحصانه بنشيلها)
*
اتقى الله فى حاااالك
واتقى الله فى عيالك
(واتحرى الكلمه وجملها)
*
وبلاش
وحياة ابوك الفلسفه
وادعااااء المعرفه
والعادات المقرفه
والأكاذيب بناقصها
(انساها وبلاش تمولها)
*
الوطن غالي
وشعبه غالي
والاوطان ما نعرف نعوضها
(ولا نرد جميلها)
---------
الخال عصمت البيلي
ليست هناك تعليقات:
إرسال تعليق