فوق لنفسك
...............
اوع نفسك يوم تغرك
تفتكر نفسك ملاك
تبقى انت حفرت قبرك
وفى هناك اتنين ملاك
فى حساب على عمايلك
ولا حد يكون معاك
الغرور فى الدنيا ركبك
خد بايدك للهلاك
الفلوس اللى فى جيبك
الكفن ملوش جيوب
تبقى صاحب جاه وسلطة
وانت مليان بالعيوب
انت مين فى الدنيا ديا
يابن ادم فوق وتوب
القدر يمكن فى لحظه
وانت مليان بالذنوب
فوق لنفسك
الغرور اللى فى نفسك
جنب فرعون تبقى ايه
والفلوس اللى فى جيبك
ويا قارون عملت ايه
الشيطان ماشى فى صفك
وجوه نفسك بتلاقيه
التواضع يابنى نعمة
وانت ما بتقدر عليه
الفلوس فى الدنيا همك
والمناصب ما تدوم
دا الفقير اغنى منك
قلبه صافى بدون هموم
هو عايش دنيا هاديه
وانت عايش فى الغيوم
الغرور موجه طايشه
وانت مابتعرف تعوم
فوق لنفسك
.............
بقلم / عوني هشام
ليست هناك تعليقات:
إرسال تعليق