بلاها الشعر و عمايله
و سيبكم من حروف خايبة
بتتمايع و تتبغدد
و فاكرة الدنيا دي سايبة
تواعدك... ف المعاد ما تجيش
تبوظ القعدة ف تقريف
و تيجي ف وقت مش هو
و قال محتاجة تتكيفتدور ع المزاج تلاقيه
هرب بردو و مش موجود
عصابة بترسم الخطة
كأن انت مالكش وجود
فصدقني بلاش منها
و سيبك م اللي يوم سابك
و خليك ف اللي بلا معنى
و خليك ويا اصحابك
بتتعب ليه كدا ف روحك
و في الاخر ما كله كلام
لا يوم رفعو البشر اسمك
و لا قالو دا حد همام
بقولك بس جوايا
حاجات بالعكس و كئيبة
شيطان الشعر بيقول لي
كتابة الشعر دي حبيبة
هتهجرها و راح ترجع
و تتحايل على حروفك
و تتحايل على القافية
و تتداري و انا هاشوفك
ليست هناك تعليقات:
إرسال تعليق