اااااه منك يا دنيا
يا دنيا ليه معانداني
ومزودة فيكي احزاني
عاطية للكل ماعدا ني
بشتريكي ودايما بيعاني
يا دنيا شيلت همومها على كتافي
ومن تحت رجلي تهد في عمداني
يا دنيا قليل فيكي فرحي
ومشمتة في اللى عاداني
ولا يوم بتداوي جراحي
ومن افراحك منعاني
يا دنيا غلبت ازاي اراضيكي
مالي سهم ف فدادين اراضيكي
قطعتي وفي وشي رميتي
ورفضت ختم عقد اني
يا دنيا قالولي ومصدقتش
حظ الاصيل فيكي مكرمش
مشيتك كتير ما ارتحتش
احترت ما رسيت على بر اني
يا دنيا شط بحرك عني بعيد
ومنك ببكي في يوم العيد
عمال تزيدي معاي وتعيدي
ومن هناكي ليه حرماني
يا دنيا بسهم غدرك قتلاني
مسكتيني وسيبتي الجاني
وبالتقصير دايما تهماني
يا دنيا حظي فيكي تاه مني
واقرب ما لي تاهمني
بالرخيص ليكي باعوني
وعلى ضهري بسوطك جلداني
يا دنيا مادة ايدها في خزيني
تاخد كتير مني ولا تديني
تاه مني فيكي نصيبي
ما هانش عليكي يوم ترعاني
يا دنيا سافرت في بحورك
ما نولت غير تعبي وشقاي
ولا سكنت يوم في قصورك
ولا طولت منك حقاااني
ناديت بحارك ما عداني
وفرد بعيد عني شراعه
ومال بوشي ما كلمني
انا من مكايدك باعاني
ليه للاصيل ما جابرة الخاطر
صادق معاكي وبيعافر
ضهره من حمولك اتحني
حال الاصيل فيكي بكاني
يا دنيا شكيتك للى خلقني
منك يا خد لي حقي
يقيم عليك ميزان عدله
وتعرفي قد ايه ظلماني
بدوي محمد
ليست هناك تعليقات:
إرسال تعليق