الخميس، 12 نوفمبر 2020

الحظ ..... بقلم / منصور أبوقورة

 


الحظ .. !!
عديت ع الحظ ..
وانا ماشى ...
لجل .. أصالحه
وأراضيه
لقيته نايم
فى شوارع تايهة ..
ومسطولة
من عمنول .. !!
عمالة بتحلم .. بيه
وتحضن فيه ...
وكل شوية ..
يفتح ف عينيه ...
ويغمض
وانا قاعد مستنيه
وأقول لنفسى ..
حالا .. هيفوق ..
ويفتكرنى
أتاريه ....
تايه .. وسكران
ع السطر الأول .. !!
وحظى .. طلع ..
من غير حظ
أتاريه ...
كان منحوس
ومتنيل .. !!
والحظ عنه اتحول .. !!

 

ليست هناك تعليقات:

إرسال تعليق

فن البوستات كمال العطيوى