هو معنى الشعر ..أيه؟
هو حاله واستحاله
فيها حزن وفيها حب
زي م أكون
غرقان فى جب
بس جا طوق النجاه
هو إلهام م الإله
هو راحه لقلب تاه
قلب شايل كوم هموم
وحرفي يرسمله الهدوم
للي عريان م المعاني
واللي شايف شكل تاني
يملا ميه في القناني
يشرب العطشان أماني
واللي يشعر مش أناني
يبقى معنى الشعر عندي
احساس طبيعي مش تحدي
وكده قلتلكم عليه
مش معايا ولا أيه
هو معنى الشعر أيه
ليست هناك تعليقات:
إرسال تعليق