حرف عاصي
و رجع الحرف يتمرد
و يرفع راية العصيان
و رافض يتلضم مع اخوه
و قال سيبني انا نعسان
يا عم الحرف يا مفعص
دا اللي عملت لك قيمة
و شيلتك من كلام فاضي
و قيفتك بقيت سيما
ما هو كلامي اللي خلاك فوق
و ناس تقراك تقول الله
و ناس تبكي و ناس تضحك
لوحدك موت... ف قولي حياة
ما تمشي طب بعيد عني
زهقت خلاص من التماحيك
لا هاتخايل و لا اتحايل
و لا هاصحي ف ليل و اناديك
أنا أصلا بجد هاتوب
و ابطل شعر و قوالة
و هادعي ربنا المعبود
يثبتني ف دي الحالة
بقلم / فهمي علي نصر
ليست هناك تعليقات:
إرسال تعليق