(مين يصـــدق)
................
مين يصدق يجى يوم ونفترق
دابت الفرحة وعمرى بينسرق
الفراق على حبنا ليه انكتـب
والعذاب فى قلوبنا دقات تنحسب
حبنـا اتحدى ظلـم من السنـين
بس انهـاردا اتهـزم وبات حزين
حكـم لازم للقدر راح يتحسم
وكان قراره الفراق بينا انقسم
كات دموعنا عالخـدود بتنحرق
والكلام دا جوى منا بيتخـنق
اتقابلنا و الفراق غـير مكاننا
كل شئ من الحزن كان زعلان عشاننا
حبنا راح اللى وسط الكون ساترنا
كان يزيل الخـوف وكان دايمـا فاكرنا
والأمل ضاع بعد ما اتهدت امالنا
والدموع باليـأس ملت من سـؤالنا
والقدر فرقنا وشبعنا انكسار
والقلوب دابت فى احضان الانتظار
.....................................
بحر (الرمل)
زجل الشاعر/ عبدالصمد عبده
عضو اتحاد كتاب مصر وعضو رابطة الزجالين وكتاب الاغانى
ليست هناك تعليقات:
إرسال تعليق