عيون ستى ........ للشاعر / معوض حلمي

 

بمناسبة أعياد الشرطة

من ديوان ( عيون ستي )

.................................

...... ست الملاح ......

.............................

مصر لازم 

نعلى بيها

وتعلى بينا .. 

مصر دي 

هى السفينه .. 

وقت الشدايد

والمحن

بتعدي بينا .. 

لو خطر

واقف ببابها

يعلى صوتها 

وتنادينا .. 

مصر دي 

هيه الحبيبه

إللي بحنانها

عايشة فينا .. 

واحنا كمان

عايشين 

في خيرها .. 

وضل نيلها

ووقت ضيقها 

بتلاقينا ..

مش زي ناس

مابتختشيش .. 

لو عليهم

يوم تنادي

النخوة فيهم

ماتلاقيش .. 

دول أفيش .. 

ونتف ريش .. 

وناس عويله

ماتستحيش ..

الغدر فيهم

شيئ مباح .. 

وعشان 

ماكترت الجراح .. 

لساك فاكرها

سداح مداح .. 

إفتح 

كتاب التاريخ

باب الكرامه 

والكفاح .. 

على مر 

الزمن أحرار .. 

هزمنا 

ل ستعمار .. 

فرس 

مغول

وتتار .. 

عدينا 

ميت محنه .. 

أسود وبسيوفنا .. 

ولا مره 

قولنا الآه

ولاحد خوفنا .. 

وسر قوتنا

جيشنا ووحدتنا ..

وعشان

ماكترت الجراح .. 

لساك فاكرها 

سداح مداح .. 

دا الفجر لاح .. 

والورد 

في إيدين

الصبايا 

عطره فاح .. 

ومصر دي 

ست الملاح ..

الطيبه ساكنه 

قلبها .. 

والسماح

من طبعها .. 

جرب 

تبوس خدها .. 

وتنام على 

صدرها .. 

هتقسى 

وتسامحك .. 

وتغفر سنين 

جهلك .. 

هتفتح بيبان 

قلبها 

وف حضنها

تضمك ..

هتفتح .. بيبان قلبها .. 

وف حضنها تضمك 

....................................

بقلمي الفلاح الفصيح 

معوض حلمي 

منشأة بطاش 

تمي الأمديد 

دقهلية