أنا وهو وهي
بقلمي / هدى سيد
يا صاحب عمري يا سكرة
انا كتفى ف كتفك من سنيين
الضحكة ف وشى منورة
والفرحة بنقسمها على اتنين
ع الحلوة والمرة سوااا
كنا على بعض حنيين
وما فيش ولا حاجة تهدنا
طول ما الايدين متشبكين
فاكر يا صاحبى من زماااان
قرينا الفاتحة للأمااان
ولا حد باع ولا حد خااان
وكتبنا عهد بدمناااا
نفاادى بعض بعمرنااا
واللى معايا يكون معااك
واللى معااك يخصنااا
يوم فرحك كانت فرحتي
وخطيبتك أختى وصاحبتى
ياما عشت حكاياتكم سوا
حكاياتكم يا مااا عن الهواا
وف عز خلافكم كنت اناا
وسيط يحل المشكلة
وف مرة من ذات الخلااف
صاب حبكم مرض الجفاف
وبترتوا علاقة عشقكواا
ودفنتوا قصة حبكوا
وسندتك ياماا ف ازمتك
وكنت اهلك عزوتك
وبقيت معافى بقيت تمام
وقابلت شريكة سكتك
من تانى رجعت ضحكتك
بس اللى ما كانش ف حسبتى
ولا أكيد ف حسبتك
أختى اللى كانت فارقتك
حبتنى بعد ما حبتك
وأنا قلبى مال ليها اكيد
فسامحنى يا ريت من غير ملام
أنا عمرى ما خنت عشرتك
تشهد عليا محبتك ❤
ليست هناك تعليقات:
إرسال تعليق