عايزين اخلاق
كله يوسع لينا هانغنى
وعايز اللحن بواحده ونص
اهى شغلانه يجوز تنفعنى
احسن اقوم واعمل لكو لص
عايز الدق يكون صوت عالى
وانا وياك نقسم بالنص
هو الشعر يأكل عيش
فكر وحيره تخس النص
فك حزامك خليه. استك
ركبك باينه لحد النص
دى شباب عيره وبتعميره
يجرى وراك ويقول لك رص
وبنات تايه وصدور باينه
وبلوزه. طولها شبر ونص
وسع هس
كله يوسع لينا هانغنى
وعايز اللحن بواحده. ونص
مزيكا عاليا وسطى وجعنى
قوم اتفرج ياللا وبص
هتلاقى هيصه وكمان زيطه
اه يازمان بقى كلك هجص
راحت الكلمه عليا. النعمه
لو فى قانون كان كله اترص
شوارع زحمه مليانه. لحمه
وانا غلبان مش لاقى العدس
فهمت ياسيدى شفتى يا ستى
ليه اخلاقنا مالهاش حس
نشوف. الحق ونبعد عنه
تيجى تتكلم اسكت هس
مرات امشى واريح نفسى
ومرات افضل واقف ابص
==============
ليست هناك تعليقات:
إرسال تعليق