صوت الشهيد .......... للشاعر / حسن السحماوي

 

صوت الشهيد ...

................

على أول ميدان فى الشارع ..

أنا شوفته بطوله الفارع ...

كان واقف وشايل همى ..

بينادى لبكره .... يجينا ..

كان واقف هناك ... بيصارع ..

ولا همه .. رصاص .. ولا مانع ..

........................

على ناصية ..حارتنا .. أنا شوفته ..

وف حضنه العلم ....بيضمه ..

بينادى .. بلادى .. بلادى ..

كان صوته .. يلف الوادى ..

وسمعتهُ يقول ... وينادى ..

أنا إبنك .. ودول أجدادى ..

بيباركوا على جهادى ..

كان حالف .. مايرجع تانى ..

غير لما ...ينادى زمانى ..

كان قصده يغير حالى ..

.......................

كان ضى القمر ف الضلمه ..

كان شمس النهار ف اللمة ..

أجراس الكنايس .. دقت ..

والفرحة فى قلوبنا اتلمت ..

كان صوت الأدان فى الجامع ..

ولا همه ...رصاص ولا مانع ..

يا مصر .. الأمان فى ولادك

دول خيرة شباب شهداءك

..................... فارس الكلمة

حسن السحماوى ..