دارى جمالك . للشاعر / زغلول الطواب

داري جمالك
...............
يا حلوه داري جمالك
دالعيون هتاكل منك 

حته
الورد إللي ف خدودك
تفاحتين حمر وزياده
حته
يا مكحله روموشك
بسواد الليل
وراسمه حواجبك
عالفتله
آه من سحر عيونك
وأنتي بتغمزي الغمزه
سرقتي القلوب العطشانه
بدلالك وخفة دمك
الرحمه يا فتنه
يا عيني ع رنة خلخالك
والماشيه ع واحده ونص
بدلع وخفه
داري جمالك الساحر
عن شباب الحته
واحده واحده يا حلوه
جننتني رنة الضحكه
آه يا قلبي يا مغلبني
بتعشق قوام الجته
غصن البان القوام
والخصر عال العال
شبر ونصمش زايد
حته
مش تلاته ولا أربعه
ولا خمسه ولا سته
لفي الملايه زينيا صبيه
كل إللي هيشوفك
هيديكي عشره ع عشره
وأنا خايف عليكي يا حلوه
ونفسي يا بت أداريكي
عن أي حد يشوفك
ويطول بعنيه النظره
وحياتك يا بدر البدور
أرش عنيه بالملح والشطه
إللي زيك مفيش
منها أتنين في أي حته
داري جمالك عشان خاطري
وأرحميني من الزيطه والزفه
أعمل أيه فيكي
يا تاعبه قلبي بالرجفه
مش هتصدقيني لو قولتلك
بخاف عليكي من النسمه
داري جمالك يا صبيه
العيون هتاكل منك حته
كلماتي
زغلول الطواب