يا بحر
*******
طول عمرى شطك واخدنى
دايما أروح أشكيله همى
وانت دايما سامعنى
ولا يوم حتيجى تكشف سرى
أحزانى على شطك راميته
يا بحر ومن بدرى نسيتها
ببص لآخرك وبفكر
ومهما همومى بتكبر
بقول أكيد انت أكبر
وتشيل من ده وده أكتر
يا بحر عاجبنى شطك
كان نفسى أرسى على برك
واقول لنفسى دى النهايه
ويكون لى من جديد بدايه
أفرح وافرح أحبابى
والفرح يجى على بابى
رميت فى قلبك همومى
ومحيت من قلبى الأحزان
وصحيت تانى من نومى
وقلت عليك خزان
لأنك بتشيل كتير
والكل على شطك حيران
.......................
للشاعرة / راوية حسن
ليست هناك تعليقات:
إرسال تعليق