كفايانا سكوت
............
فاكرين يضربوا المسجد بالكنيسة
والفتنة تنتشر في أرض مصر
بريء منكم اسيادنا محمد وعيسي
وح نخاف على بعض من أي شر
سيدنا ابراهيم وسيدنا موسي
جزعوا والهمهم الله العزم والصبر
من زمان عايشين أجمل عيشة
والعيش والملح بيسري جوانا عمر
الفتن وارد الخارج جايه مدسوسه
تسرطن مزارعنا وتلوث مياه النهر
كفايانا سكوت على حيل مدروسة
تخرب بيوتنا وتضيع مننا الفكر
مصر الدين والوطن المحروسه
من رب الكون اللي أعزها في الذكر
وغرس في قلوبنا القيم المحسوسة
وجعل الإنسان دايما هو أول السطر
راية الإرهاب مهما عليت منكوسة
في حضيض جهنم ما ليها أي سعر
...................
للشاعر / حسن الشوان
ليست هناك تعليقات:
إرسال تعليق