بسم الله الرحمن الرحيم
تم بحمد الله تعالى
يوم السبت الموافق 2018/3/24 الساعة الثامنة مساءً
تنظيم سجال بين
الأستاذ الشاعر / رضا أبو الغيط
والأستاذة الشاعرة / سميرة عبد الفتاح محمودي
بعنوان ( مش راح ألومك )
كونوا معنا
مع تحيات
مجلس إدارة فن البوستات
أ/ سحر الصيدلي
أ/ كمال العطيوي
سحر الصيدلي
لكلماتكم معاني ولحروفكم جمال ولإحساسكم دفء يعطي لعالمنا الرونق والمشاعر الدافئة فقد تميزتم بريشتكم التي تكتب كل الألوان وترسم زخات عطر تبشر بالجمال والتفاؤل والرقي
اشكركم على جمال حروفكم التي تعانق ابداعاتكم الرائعة والتي سنقضي معها وقتا ممتعا بسجال بين عملاقين من الشعر والادب...
الشاعر الراقي والمتميز الأستاذ رضا أبو الغيط ...
. والشاعرة المتألقة والمبدعة الأستاذة سميرة عبد الفتاح محمودي ...بكم ومعكم يحلو السهر ومع حروفكم نعانق السماء بأجمل الحروف...
سهرتنا الممتعة ستكون برفقتكم أعضاء فن البوستات فأهلا ومرحبا بكم في سيجال هذه الليلة بإدارة الأستاذة سحر الصيدلي
والعميد الأستاذ كمال العطيوي
لكلماتكم معاني ولحروفكم جمال ولإحساسكم دفء يعطي لعالمنا الرونق والمشاعر الدافئة فقد تميزتم بريشتكم التي تكتب كل الألوان وترسم زخات عطر تبشر بالجمال والتفاؤل والرقي
اشكركم على جمال حروفكم التي تعانق ابداعاتكم الرائعة والتي سنقضي معها وقتا ممتعا بسجال بين عملاقين من الشعر والادب...
الشاعر الراقي والمتميز الأستاذ رضا أبو الغيط ...
. والشاعرة المتألقة والمبدعة الأستاذة سميرة عبد الفتاح محمودي ...بكم ومعكم يحلو السهر ومع حروفكم نعانق السماء بأجمل الحروف...
سهرتنا الممتعة ستكون برفقتكم أعضاء فن البوستات فأهلا ومرحبا بكم في سيجال هذه الليلة بإدارة الأستاذة سحر الصيدلي
والعميد الأستاذ كمال العطيوي
**************************
رضا ابو الغيط
لو محتاجه لقلبي تعالي
إملي حياتي واشغلي بالي
وان حسيتي ان انا محتاج لك
اوعي تقولي طب وانا مال
......................
سميرة عبدالفتاح محمودي
لو محتاجة ؟دي عايزة قوالة
انا من غيرك حالتي دي حالة
باسهر ليلي لوحدي اعاني
ودموع عيني .. وراك رحالة
......................
رضا ابو الغيط
لو محتاجه لنن عيوني
صوني القلب اللي بيهواكي
وان فكرتي ف لحظه تخوني
قلبي اكيد كده راح ينساكي
......................
سميرة عبدالفتاح محمودي
عينك هي النور لعيوني
اوعي تقولي يوم بتخوني
قلبي الصادق حبك انت
مهما الناس والدنيا لاموني
......................
رضا ابو الغيط
نفسي مشاعري تكون وصلاكي
من غير مااتعب واجري وراكي
ليه بتسوقي ف تقلك ليه
وبتتعبي.. قلبنا وياكي؟؟!!
......................
سميرة عبدالفتاح محمودي
حبك.... هو دا كل حياتي
ابعد عنه ازاي يا حياتي
هو الهوي والنور والمية
هو البسمة اللي ف دنياتي
......................
رضا ابو الغيط
يا اللي جمالك شيئ مش عادى
ليه بتفوتي قلبي ينادي ؟
قلبك بكره والله هيندم
طول ما هو ماشي ف السكه دي
......................
سميرة عبدالفتاح محمودي
السكة ادي دي سكة حبك
اصبر حبة وبص في قلبك
هتلاقي روحي بتحضن روحك
مهما بعدت يا روحي انا جمبك
......................
رضا ابو الغيط
قلبى اهو صابر على افعالك
يااللي ما شفتش زى جمالك
بس ياريت يا حبيبتى تخفى
تقلك حبه وحبه دلالك
......................
سميرة عبدالفتاح محمودي
اصبر تاني شوية كمان
راجع نفسك شوفنا زمان
انا كان بعدي نتيجة لومك
وانت اللوم وياك إدمان
......................
رضا ابو الغيط
وانا ادمنت ياروحى هواكى
بس ياريت افضل وياكى
نفسى ياروحى تسمعى قلبى
لو يوم نبضه يا قلبى ناداكى
......................
سميرة عبد الفتاح محمودى
سامعة بكل كياني هواك
والاشواق دي بتترجاك
لو جه يوم وهاتزعل مني
بردو سامحني وسبني معاك
......................
رضا ابو الغيط
دايما ساكنه العين والننى
يا اللى غرامك هيجننى
بس حالومك لو حياتى
يوم فكرتى تبعدى عني
......................
سميرة عبدالفتاح محمودي
لو حسيت الشوق في غيابك
ازاي يعني معاه باحتار
كنت هاتعرف اني بعادك
يعني جراح وعذاب ومرار
......................
رضا ابو الغيط
ايه عرفنى وانتى ياروحى
دايما مني كتير بتروحى
واسهر ليلى ف رحاب ويلى
واشكى ف بعدك كل جروحى
......................
سميرة عبدالفتاح محمودي
الف سلامة عليك يا منايا
م الاحزان او اي جروح
قلبي فداك واسأل نبضاته
عمر هواك ابدا مايروح
......................
رضا ابو الغيط
د اللى انهار من بُعدك قلبى
وانا مش عارف كان ايه ذنبى
ياما ناديت على نن عيونك
وانت عيونك كات بتخبى
......................
سميرة عبدالفتاح محمودي
طبعا لازم اخبي عليك
وتقولهالي قبلا عنينك
ما انت الراجل وانا دلوعتك
يعني حبيبتك ملك ايديك
ههههه
......................
رضا ابو الغيط
طبعا عارف انى الراجل
وعشان كده محتاج لحنان
وكمان قلب بمرسال عاجل
يجعل قلبى يعيش ف أمان
......................
سميرة عبدالفتاح محمودي
ايوة حنان ويكون متبادل
حب اتنين فيه كل تكافل
ازاي يعني تحب حناني
وانت مطنش كدة مش سائل
......................
رضا ابو الغيط
عارفة يابنت الايه ياسميرة
لو بطلتى شويه الغيره
راح اكون ليكى ضيى عينيكى
وتكونى عندى أحلى أميره
......................
سميرة عبدالفتاح محمودي
عارف انت يا كل رضايا
مهما تغيب بتكون ويايا
حبك مالي عليا حياتي
وانت بعيد او وانت معايا
......................
رضا ابو الغيط
ياسلام سلم ياسلام سلم
قلبي حبيبي خلاص اتكلم
بعد كلامك ليا ياروحى
صعب ألومك أو أتألم
......................
سميرة عبدالفتاح محمودي
ياسلام سلم ياسلام سلم
لا يا حبيبي لازم تتكلم
بعد خلاثص ما الحب نداني
عمري ما الومك ولا اتظلم
......................
رضا ابو الغيط
الله كدة ع الحب الله
وياريتنا بنعرف معناه
ده حبيبي وان غاب عن عينى
قلبي يروح على طول يلقاه
......................
سميرة عبدالفتاح محمودي
الله علي احساسك جنة
والاشواق بتقرب منا
بعد كلامك ليا ياروحي
عمر ما شئ هايفرق بينا
......................
رضا ابو الغيط
لا اللوم دا هايداوى جراح
وللا يتقاد شمع الأفراح
وعشان انت الحب ياروحى
هبدرلك انا قلبى سماح
......................
سميرة عبدالفتاح محمودي
تسلم لي يا حبي وحنيني
يا سعادة عمري وسنيني
بس كفاية يا روحي كلامك
بيطير لي النوم من عيني
ليست هناك تعليقات:
إرسال تعليق