معجزة من المعجزات ............ حسن الشوان

 معجزة من المعجزات
............................

أمي يا حضن دافي
طيبتك ملهاش مثال
أمي يا 💓 قلب صافي
صبرك في الواقع خيال
عمرك ما إشتكيتي يوم
وعزتك هزمت أي إذلال
عشتي الأوجاع بالكوم
وإحساسك بينا أجيال
إتحملتي أنين الهموم
بكل شمووخ وإستبسال
ضعفك كان قوة وهجوم
ضد ظروف تهد جبال
عشتي أحلك الظروف
وكانت دموعك شلال
كنتي تكرهي التحريف
ومتقوليش إلا الحلال
لأن دايما الكذب ضعيف
واللي في قلبك كان يتقال
كانت تفضفص بدموعها
لما يضيق عليها الحال
وربنا يحن عليها ويسمعها
وينور طريقها بالأعمال
مهما أتكلم عنك وأقوول
وأكتب عنك الصفحات
صبرك كان غير معقول
ونصايحك كلها عبر وايات
والقا القلم يصول ويجول
والحروف تصهلل كلمات
والسطور شرحها يطوول
ما بين القصص والحكايات
الأم نبراس لأي عنوان
كانت حكيمة في الأزمات
كانت زعيمة في الكتمان
عمرها ما شبعت ولا طمعت
ولا قالت مره هات وهات
كانت فرحتها لما نتجمع
وسعادتها اكتر في اللمات
في القناعة كانت أسطورة
وعمرها ما كانت مغرورة
وعلي ولادها كانت غيورة
وراحت ومبقاش إلا الصورة
الأم معجزة من المعجزات

........................ 

للشاعر / حسن الشوان