صباح الخير ..... حسن السحماوي

صباح الخير 
على الشمس اللى فاردة نهار  
على البسمة اللى فيها عمار ..وخير للكل  
صباح الخير ..... صباح الفل  
صباح الخير ... على الأمل اللى هَل  وجَى  
على الزهرة اللى فى البستان .. وحاضنه الضى  
على البحر اللى بيهدى 
وشايل مركبة تعدى بأمان الله  
وجايبه صحابى وأحبابى وأختى ..وخى  
صباح الخير ..على المادنة اللى حاتكبر 
وتجمع جمعة البركة ..ونهارنا فل  
صباح الخير .. صباح الفل  
................................
للشاعر / حسن السحماوي