أجمل وردة في الكون
.......................
يا أجمل ورده ف الكون
يا قمرايه وأحلى عيون
يأم الدنيا واطيب قلب
والحضن الدافي الحنون
انتي لينا أجمل جنه
م احنا منك وانتي منا
كلنا ولادك يا غاليه
محمد ومريم وإيمان
و حنا
هنكمل مشوار أمجادك
وحبنا هيكونلك زادك
نسندك وقت الشيل
مين باقيلك غير ولادك
يا أجمل البلاد يا بلادي
يا سند ليا ولأولادي
ياللي حبك فينا جمر
ناره ثايره وليها ماضي
التارخ حافظ ملامحك
والمولى مبارك ف طرحك
أصله من صلبك وظهرك
حتى لونه نفس قمحك
مصر يا صلبه و عافيه
مصر يا عزه و أبيه
من أبويا لجد جدي
وانتي فخر ليهم وليا
..........................
للشاعر / مسعد سليم
ليست هناك تعليقات:
إرسال تعليق