اديتك فرصة .... محمود العزب

إدِّيتَك فُرصَهْ
...............

إدِّيتَـك فُرصَـهْ أخيـره
علشان انتِهـى م الحيـره
ومين قال لَك إنِّى مسامحك
وإيـديَّـا لِسَّـهْ قَصيـره

وعينيَّـهْ يـاعَـم بَصيـرهْ 
ولاشافِـت مِنَّـك غيـره 
على حالى ولازم اصارحك
وحياتـى باقيه مَريره

ولابُـد تعيـد تَـفكيـرك
وتعدِّل فى خطوط سيـرك
علشان ارتاح ولا اقاوحـك 
ولاأقـدَر اجيـب لَك سيره
........................ 
للشاعر / محمود العزب

Mahmoud Elazab