الوقت يتسرسب ......... أشرف شحاته سليم

الوقت بيتسرسب
من بين أيدينا
زي السراب
وما تعرف تمسكه
ب ايديك
وكل ثانية بتعدي
محسوبة م العمر
اللي باقي ليك
حتى لو كسرت الساعات.
ساعة الزمن. ماشية
ومحدده عمرك
اوعى يغرك شبابك
وتنسى سنين عمرك
الساعة في عمر الزمن
ماتساويش حاجة
لكن في عمرى انا
النفس محتاجة
والعمر بينا بيجري
ولا عمره ح يهدي
يوم ورا يوم
تكمل فصول السنة
وانا عمري بيعدي
كسرت كل الساعات
قطعت كل النتايج
وساعة الزمن ماشية
ماتوقف في يوم
في محطة
ولا تعرف توقفها
ولا هى ترضى تهدي
ماشية وعارفة الهدف
وفيها جرس إنذار
بصة علينا كلنا
ومحددة الأعمار
عايشة معانا عمرنا
من وحنا لسة صغار
عشت معاها حلوها
ودوقت كمان مرها
وخيرتني كتير
ما عرفت والله اختار
.....................................
للشاعر /  أشرف شحاته سليم