ألف رحمة ونور عليكى ....... على شحاتة سليم

ألف رحمة ونور عليكي
............................ 
الف رحمه ونور عليكى
ياللى حضنك لسه حسه
لما كنتى بتبوسينى
وقلبى يرقص جوه فرحه
لمسيتك ليا بايديكى
فيها كل الشوق واخره
يا حبيبتى اشتقت ليكى
للحنان إللى فى قلبك 
بلمحه فى نظرة عنيك
وانت ضمانى لحضنك
الف رحمه ونور عليكى
يا أرق وأحلى بسمه
دمعتى وخدانى ليكى 
غيبتى عنى ولسه عايشه
دعوتك ليا فى صلاتك
سابقه ضلى فى كل سكه
الف رحمه ونور عليكى
نبض قلبى ونور عنيه
كل طالعة فجر يامه
وحنان الدنيا كله
ترفعى ايدك وتدعى
وتطلبى الستر منه
.................................

للشاعر / على شحاتة سليم