تحت جناحك ضلاية ....... أميرة القزاز

تحت جناحك ضلايه
................
ياشمس الدنيا ياقمرايه 
يانغمة حب سارحه 
بدمك جوايا 
ياايلي الحب علشانك 
ملايين بتغني 
ياايلي كلام الدنيا مهما 
إتقال
عمره ماحيعبر عني 
كل حروفي مهما 
اتلضمت اقل من ايلي
جوايا ليكي مني 
كفايه حضنك ولمه عيلتك
تحت جناحك ضلايه تملي 
تربي تكبري 
وتعلمي ان الحق سيف العدل 
وان الصعب مسيره سهل 
بدعوه قلبك شايله همي 
بلقمه دافيه ونفس صافيه 
تحلا معاكي العيشه ياأمي
♥️♥️😍😍♥️♥️
شكرا علي حبك علي تعبك 
علي سهرك ليلك علي وجعك
علي عهدي ووعدي حادعي لك
الجنه تكون سكنك بيتكً شجرة حب
روياها بكرمك وبخيرك 
وميعادها دلوقتي تطرح لك 
ولاده حبات عناقيدكً 
...........................
للشاعرة / اميره القزاز