تأملات شاعر ............ رضا ابو الغيط

تأملات شاعر
..............
بتأمل ....حواديت امبارح
والفجر الطارح... ف الدار
وانا واقف على ناصيتى أمسى
بتسند على عجزى ويأسى
وزمانى القاسى الغدار
بتأمل.. ف البيت والغيط
والحزن الطارح ...شُبيط
ومبيت ....وطاويط الليل
وذليل.... مش لاقى دليل
قام يشرب م البحر المالح
وبتجرى........ تحته الأنهار
بتأمل
ف عيون سرحان
متغرب جوه الأحزان
وجدار البيت اللى ما شايف
غير ضلمه مش لاقيه نهار
ف شفايف كام واحد خايف
مش قادر يتحرك خطوه
ويحذر عقله اللى احتار
واختار
يتعذب من واقع...
كان واقع
فوق سطح الجار
متكبل بقيود وموانع
وكاساته ......مليانه مرار
فوق كتفه ...شايل أوجاعه
وبتعزف لحنه الأوتار
مش عارف يعدل أوضاعه
ولا شايف سرب الإعصار
وللا حتى الفقر اللى ماهمه
غير ياكل... ناسه الأخيار
ويبث السُم ...اللى ف دمه
ويسمم...... طرح الأشجار
بتأمل.........متغمى عينيه
وايديه ...كات شايله العار
على غيره يرمى اللى عليه
واتاريه
بيسمى الصمت اللي بينهش
أفكار الغير
عصافير ..
مش قادره تطير
طراطير ..
فوق راس العير اللى مسافر
لموائد بعد الإفطار
بتأمل
ف الحرف الباهت
ودمار .........
بيسلم مفاتيح الدار
لإيدين أشرار
لخوارج ........تشبه لتتار
بتحاول تدفن أحلامنا
وأمانى الشعب اللى ما لاقى
ف العتمه ....نهار
بتأمل
ف خيوط التوب المترقع
والرقعه عيوب
ومنايا...... اكتب مكتوب
لعقول الناس الأحرار
واحاول من ذنبى أتوب
واطفى ..... بالشعر النار
واهد بعزمى الاسوار
وجدار اليأس اللى محاوط
فكر الثوار

............................
للشاعر / رضا أبو الغيط