نفسي
انا نفسي أعيش صباح
ما فيهوش ألم وجراح
ولا فيه عالم بتشكي
م الهم وم النواح
أنا نفسي اعيش وأكون
عاقل على مجنون
واشوفك في العيون
أجمل من ميت وشاح
أنا نفسي اعيش ثواني
بتدور ع الأماني
وتحقق حلمي تاني
والقاكي في زهر فاح
أنا نفسي اعيش في نورك
واتداري مابين زهورك
يوصلني في يوم شعورك
والقاكي هناك براح
ياحبيبتي انا لسه عايش
بالحنين وبقلب طايش
بين بحورك قلبي بايش
نفسي تاني اقول سماح
ليست هناك تعليقات:
إرسال تعليق