الأربعاء، 26 أكتوبر 2022

انت مين .... بقلم الشاعرة / نشوى الخطيب

 



انت مين

انت ليه ولا أيه

انت نبضه جوه قلبى

ولا نقطه ويا دمى

انت حاجه مش عاديه

انت اجمل ما ف عينيه

روحى طايره جنب منك

حاسة غربة ف بعدى عنك

الامان فى قربى ليك

شوقى كله بيناديك

ايوه قرب

لو تغرب

بابقى شايفانى بعينيك

واحلم انى بين إيديك

بابقى دايبة

وابقى غايبة

وأمضى بس حضور معاك

بابقى حاسه كل كلمة

بقرأ منك السكات

واما الاقى عينيك قصادى

أسرح فيهم بالساعات

واما افكر فيك بلاقى

رنه منك

ليه حاسسنى

اه ولامسنى

ولما ببعد ازاى شيفنى

 

 

ليست هناك تعليقات:

إرسال تعليق

فن البوستات كمال العطيوى