أبويا
عشان أوصف فى شكل الاب
محتاج ..قول ١٠٠ قلم وكتاب
وحبر كتير عشان اكتب
وارتب كل شئ بحساب
افند طبعه والسيره
وانا فى حيره طريقي سراب
عايش لسه أنا في خيره
وماكان فى بينا أى حجاب
ابويا إن نمت ما ينامشي
واحسه ظل فوق رمشى
يميل ويقولى ما تملشي
يا واد انت لسه شباب
امى حنان وفي عنيه
وحنان الاب جديه
فى صغرى احسبها دى آسيه
ومش عارف إيه الأسباب
كبرت وعشت فى الدنيا
وبقى فى عندى زريه
نزلت دمعه بعنيا
افتكرت الاب بعد غياب
ندهت بصوتي يا سندى
يا بويا واغلى ما عندي
ياريت ترجع تانى عندي
مقامك يابا فووووق كسحاب
ماشلتش هم فى وجودك
ما نخِّْش حملنا بعودك
ماخنتش مره فى عهودك
ماقلتش مرة شعري شاب
دموعك كنت تداريها
الامك كنت تداويها
ما حسستنا بيها
ننام وانت حارس الباب
ليست هناك تعليقات:
إرسال تعليق