بنت وولد
حاطط إيده علي كتفها
ف وسط الشارع ولا همه
لقمة ف بُقه وحيتفّها
وياخد نقاوة عين أمه
كِدب عليها وقال حَبّها
أكَلِتْ وشِرْبِت من سِمُه
مبتسمعش نصايح أمها
ولا هوّه لاقي اللي يلْمُه
هربانة الهبلة من درسها
تقابل شاب تقيل دمه
بيلف بيها وبيغشها
تزعل من اللي بِيذِمه
لقمة ف بقه وحيتفها
ياخد نقاوة عين أمه
وسايبة إيده فوق كتفها
ف وسط الشارع ولا همه
ليست هناك تعليقات:
إرسال تعليق