قلبى منجم دهب
شعر غنائى
أنا الأكثر مبيعاً
لأن الكل باعني
وأنا بأنسى سريعاً
اللي أذاني وخدعني
أنا قلبي شاف العجب
م الخاين والخسيس
أنا قلبي منجم دهب
وباعوني بالرخيص
اختارتك في الزحام
كان عندي الف غيرك
و بتسقيني الالام
كتر الف خيرك
زمان ما لقيش غبري
دلوقت بتنسى خيري
طول بالك عليا
والله لا تمشي ميري
ودا الطبيعي يعني
انا الأكثر مبيعاً
لان الكل باعني
وأنا بأنسى سريعاً
اللي اذاني وخدعني
الكل بيبقى شاري
في بداية المعرفة
باندم على اختياري
دي علاقة مؤسفة
لا حبي شفعلي
ولا الإخلاص نفعني
انا الأكثر مبيعاً
لان الكل باعني
وأنا بأنسى سريعاً
اللي اذاني وخدعني
انا شوفت العجب
م الخاين والخسيس
قلبي منجم دهب
وباعوني بالرخيص
ليست هناك تعليقات:
إرسال تعليق