إلى أمى
يا
برج الحمام
النهارده
تاريخ وفاتك
يا مه لسه
بعيش حياتك
لسه بينا
حكاوى يا مه
ضحكتك لأخواتي
لمه
حضنك المليان
امانى
لهفتك بالليل
عشانى
يا مه مين
ياخد مكانك
أو يعوض
يوم حنانك
النهارده تاريخ
وفاتك
يا مه فى وجودك
حياه
قلبى مش عايش
هواه
قلبى بعدك يا مه
تايه
اصل روحه
مش معاه
يا مه لسه
كتير أمانى
جوا حضنك
غيط غناوى
قلبى يا مه
ما انتى عارفه
عمره ولقلبك
مخاوى
مهما طال بينا
الفراق
كل يوم بتزيد
ملامحك
بين غلاوه
واشتياق
يا مه صورتك
جوا قلبى
زى ما هى بالزواء
ضحكه صافيه
وقلب طيب
مهما طال بينا
الفراق
يا مه يا برج
الحمام
افردى كفك اوام
طبطبى ع الجرح
يمكن
تنطفى نار
الآلام
فردك المحتار
بيشكى
م الجراح والانهزام
انفخى فى القلب
يرجع
دقه تانى
بانتظام
يا مه يابرج الحمام
اسمحيلى
لما اجيلك
يامه فوق قبرك
أنام
صدقينى
جنب منك
قلبى بيحس بسلام
قلبى بيحس بسلام
اشرف الشناوى
شاعر عاميه
المنصوره
البرامون
ليست هناك تعليقات:
إرسال تعليق