ممكن تقول لي أيه السبب
خليني أفوق
من غربة صعبة ومن فراق
يمكن أروق
واصحى على صوت الأذان
قبل الشروق
وبلاش حبيبي التمتمه
شوف كام سنة
وقلبي حزين
كان عايش جوا دنيته
بشوق مستكين
راضي بنصيبه وقسمته
بحبة حنين
طب ليه حبيبي ماسبتنيش
أعيش حياتي بدون أمل
إيه العمل ؟ و انت السبب
خلتني أحلم
اني ف قلبك و ده مكاني
عشمت روحي بالحياه
و حليت زماني
ليه سبتني بين القلوب
تايهه مكاني
يا حضن مليان بالأمان
نسيتني ليه وهجرتني
إياك تقول ده كان زمان
وبلاش حبيبي تصدني
يا قلب مخلوق من جفا
فين الوفا
كفاية تمثيل وحكايات
متفبركة
وقصص حنان من اللي
كات متحبكة
ماهي رواية من ورق
وانت البطل
من بعد دوري ما اتحرق
ده اللي حصل
غرقت ف دموع المطر
والجرح لسة بيحتضر
مها فتحي احمد
ليست هناك تعليقات:
إرسال تعليق