قلبى اللى حبك
************
قلبى اللى حبك وابتدا
يعرف طريقه للهدى
ودع ليالى غربته
من بعد ما فجرك بدا
يانور ظهر خلا القدر
ينعم عليه بالرضا
****
ودعت وياك الضنا
وليالى هاجرها القمر
وعرفت وياك الهنا
وسنين مزوقها القدر
وعشقت فى هواك الغنا
والكون مع قلبى شدا
يانور ظهر خلا القدر
ينعم عليه بالرضا
****
وصالحنى حبك ع السنين
خلاها تطرح بساتين
ياروح بتتحدى القلق
يا سلوى ف طريق مفترق
كل اللى شاف نورك عشق
واتمنى يبقالك فدا
يا نور ظهر خلا القدر
ينعم عليه بالرضا
************
السعيد اللفاف
ليست هناك تعليقات:
إرسال تعليق