من الذكريات ............ الشاعر / ابراهيم رضوان

 

من الذكريات

قاللي..تأدب..

و انت واقف بامتثال ..

في حضرتي

قاللي..تعلم..

كل أنواع الأدب..و المعرفه

قاللي..بلاش يا حبيبي..

تستبدل شموس في سكتي

بطريق ضبابي الشكل..

حاضن لسه كل الأنصفه

قاللي..ما تتأدب بقي..

و تعود معايا للصراط

و تسيب جسور السفسطه..

و المرمطه..و البهدله

قاللي..فلان صاحبك وصل..

رغم الجمال..وادي الممات

فبلاش تهاجر..

من أراضي الصبر..

و دروب الصلا

قاللي..جميع العمر..

بعد العجز..يصبح ذكريات

و مفيش و لا إنسان..

هايقدر يوم..يحل المسأله

قاللي..دي ريحة الجنه..

كل الفاكهه داخل سلتي

إلحق بقي يا حبيبي..

قبل هبوب جبال العاصفه