الله أعلم
إن كنت باحلم أو لسه عايش
الله أعلم إن كنت حاسس،!
أو كنت شاعر يوم من مشاعري
ماليش حد تاني غير هوقلبي
صديقي المستجيب بالمشاعر
أبيض زي الحليب وشاعر
لا مكر في يوم ولاكان خسيس
يروي ظمأ المحتاجين وحاسس
غزله بفتله بيضا بينسجه
يغزل من نفس القماشه
توب الحياء والبشاشه
يرش الأماني كل يوم بإيده
يصحصح لساني بالمعاني
والمعاني والأغاني والأصفهاني
وعلي الجنايه واللي جايه واللي راحه
ان كنت عاقل ولاجناني منسيني حاجه
اللي مني ومن نفس القماشه
كتير يعاني من اللي جراله
من الليبرالي والعلماني والأصفهاني
والمنورين في ميزان العداله
الله أعلم
بالمغولي والإسرائيلي والإنجليزي
الفرنسي والمسيسبي الأمريكاني
اللي باعني ماشتراني
اللي دمر كل المواني
قلت اسافر أغور بعيد
عن المناصب والمتعصبين
قلت أهرب باللي باقي من كياني
مشوني في سكه بعيد عن بلادي
اتاريها سكه مهمداني
اتاريهاسكة الاحتياطي والاعتباطي
التوهه خدتني ونمت نوم الإحتياطي
أعمل إيه النوم نداني والدنيا هوجه
شوفت المعلم من أصل تاني
واقف مبلم عامل معلم
أتاريني باحلم الله أعلم،
بإني مصري من اصل تركي
والمعلم عامل نقابي وبرلماني
جاي يرافع وجاي يدافع
الدنيا ساقعه والكلمه كاتعه
ضرب دماغي ولسعني لسعه
إكمن صوتي من جوه قوتي
سمع وداني والدنيا سامعه
الله اعلم إن كنت مصري
أوحد تاني ودماغه لاسعه
ليست هناك تعليقات:
إرسال تعليق