الحلم الوردى
كتبها خيرى صابر
دموعى تسيل على خدى
تملى أنهار وبحور
بناجى ليلى يعدى
ويطلع النهار بالنور
يا حلم عمرى الوردى
يا بهجة أمل وسرور
يا أيامى ليه بتعاندى
بكل أسى وغرور
سيلى يا دموعى سيلى
غنى للقلوب موال
عاشق بأسى فى ليلى
من قسوة الترحال
مستنى طيفك يجيلى
يمسح دمعى اللى سال
ميلى يا نسمه ميلى
وع الوتر أعزفى ألحان
شيلى من قلبى شيلى
الجرح اللى ماليه أحزان
أروى بحنانك نيلى
اللى جف من الحرمان
بتبكى ليه يا قلبى
وألأمل موجود
عايز ليه تخبى
دمعى ع الخدود
وليه تدارى حبى
ده حبى مالوش حدود
مش لاقى حبيبى جنبى
وماشى فى طريق مسدود
نفسى يا زمانى تلبى
ندا عاشق فى الهوى مطرود
ليست هناك تعليقات:
إرسال تعليق