موال
يا ليلي يا عيني
ياااا ليل
صياد وطرح الشبك
والغزل كان مفتول
الصيد ف غزله شبك
قاتل مع مقتول
شبك الكلام المزوق
بطعم ف السنار
دندن وقَسم وروق
والمشاعر نار
ولعها لجلن يشوق
قلبه هو احتار
وقبل ما الشوق يدوق
شبكه فك وطار
الصيد ف شرع البحار
لازم بكون غيه
يصطاد سمك او محار
بسلامة النية
وان لحظة فى العهد جار
هيخسر المية
لا يطول قانون الجوار
ولا ياخد الدية
بقلمي
ناهد الموجي
شاعرة مصرية
ليست هناك تعليقات:
إرسال تعليق