قلبي منتظر
--------------------
في شئ مابينا انكسر
والحب بينًا ف خطر
كلامنا من الشًفايف
وليلنا من غير قمر
نجومنا لحالنا حزينه
نبضنا مش بيدفينا
والكلمه مش م القلب
والليل مابقاش للسَمَر
في شئ مابينًا تقيلً
طوًل ساعات اللًيل
ودبلت زهور بستانا
والقلب اهو منتظر
بنحاول ومش عارفين
نروي بحبنا قلبين
نـبتِت مابينًا اشواك
والدمع بعيونا انًهمَر
بس اللي ما بينا كبير
وعمر اشواكنا قَصِير
صعب الايام تبعدنا
مهما يغيب القمر
-----------------------
بقلمي/ رمضان عبد الله أحمد
ليست هناك تعليقات:
إرسال تعليق