إلا أنا
******
الكل قيل إلا أنا
مفطوم وراضع م الضنا
العود هزيل والقول عويل
وجع السنين
مرسوم على جبين الجدع
بقى مرتجع
سكين وشالل خصرته
ياحسرته
حود على غصن الزتون
ياخد له جرعة من السلام
لقي الحمام مدبوح وساكن عشته
إيد حشته
والأرض يسكنها العطش
الخير طفش
وانا في النهاية طير ضعيف
اقصد كسيح
معدومة عنده الذكريات
الكل مات
من غير ما يعرف ذنبه إيه
الكل هديت ثورتوا
وف لحظة الروس إتعممت
جايز عمت
مافرقوش بين العليل
مات الضمير
الأرض شربت ما اتروت
من دمنا
إنتم هناك وإحنا هنا
ياميت ندامة ع الوطن
مبقاش سكن
الكل ع الإسم إتركن
والصورة غابت م الهدف
مفيش شغف
نرجع الحلم اللى كان
جايز يعود يحدف صدف
حنان الحسيني
ليست هناك تعليقات:
إرسال تعليق