الكبر عبر..بتعجز في المتعجز ... للشاعر الكبير / حسن عمران

الكبر عبر..بتعجز في المتعجز..

حسن عمران.

بتعجز ف المتعجز..

وبشوف نفسي كعجوز..

قال يعني انا ماعجزتش..

برضك جايز ويجوز..

لأ جايز أيه يامعلم..؟!..

مناخيري قد الكوز..

وبقيت بطاقية بلدي..

أشبه عمك علي لوز..!!

غدارة يادنيا بسرعة..

تجري وده جريك ولعة..

وتنطي فوق الترعة..

وفوق الكوبري المهزوز..

خدتينا قوام لعجزنا..

ولشيخوختك إنحازنا..

وهو استغربنا عزازنا..

ويا البطيخ والموز..

كان بدري علينا ياسمعه..

داحنا يدوب من جمعة..

كنا واخدين السمعة..

ف حلاوة الجوز واللوز.

وبتعجز ف المتعجز..

وبشوف نفسي كعجوز..

قال يعني انا ماعجزتش..

برضك جايز ويجوز.

حسن عمران