ممكن أضحك ..؟! كنت زمان انا دمي خفيف.. كاتب كوميدي بيشهدوا به.. خفة دمه..سابقة لسنه.. والله ياروحي كتابته دي إيه؟!.. موليير مثلا ولابديع؟!.. والله ده شابلن جنبه رضيع.. ولا ده سمعه؟! ولا نابلسي..؟! ولا مهندس ولا القصري؟!.. أجمع دول تلقاه تجميع .. ينخر عضم النكته دي نخر.. ويجيب الأفيه م الصخر.. ويقعد حاطط رجله بعظمة.. وحاسس إنه صنيعة الفخر.. واما كبرت وعشت ف همي.. دمي إتسخف وبقيت عمي.. ونسيت خفة دمك يامي.. مابقتش النكته تضحكني.. وإن جت أورطة بتزغزغني.. ح اقول الهم اكبر واسمعني.. أشمعني أنا ح اضحك.. أقنعني.. اضحك كيف وانا نفسي وجعني..؟!.. طب اضحك أنت ياللي سامعني.. وعلمني أيه هو الضحك..؟!؟!..
ليست هناك تعليقات:
إرسال تعليق