انسانى
كلمات
زغلول الطواب
أنا مش هفكر فيك تاني
انا خلاص مليت من افعالك
توعد وتخلف
وكانك مش واخد بالك
انت مش عارف أيه بيجرالى
من كتر كدبك واستهتارك
فاكر نفسك مين
انت الوحيد إللي في الدنيا
ومفيش حد غيرك
لا يا حبيبى
لو كنت الليل انا نهارك
انا صحيح فى لحظة ضعف
قلبى مال من كام كلمه حلوه
وكام اغنيه وكام موال
ولما عرفتك على حقيقتك
ادينى بعترف انا كنت غلطان
خلاص ياحبيبى
كل ليل لابد يجيي بعده نهار
واللى تعب من كتر السهر
اكيد من تكرار الملل حينام
والقلب اللى انفطر
يداويه النسيان
فاكر لما حلمت بيك
لما صحيت الصبح أدور عليك
فاكر اول كلمه
جمعت قلبى وقلبك
فاكر اول لمسه
فاكر اول همسه
فاكر عنيا لما جت ف عنيك
فاكر قولتلي ايه
بحبك بعشقك
يا اجمل حلم
يا اجمل زهره في البستان
وحموت عليكي
وفي بعدك مش بعرف انام
كل ده راح فين
هو كلام الليل بيتبخر
لما بيطلع النهار
زغلول الطواب
ليست هناك تعليقات:
إرسال تعليق