يا باب غلط و اتفتح
و انا شوفتني جواه
مبسوط و باضحك اوي
و لا قلت مرة الآه
طلعت اشوف البشر
براه حالتهم ايه
لسه همومهم جبل
بشرار تطق عنيه
و لا خلاص حظهم
بعد العنا روق
جاب ابتسامة رضا
للوش بتذرق
اتاريني خايب اوي
ساذج و لسه غشيم
و خيالي من غير سبب
ما شبعش م التقزيم
فجأة لقيتك سدد
خبطت ما في رد
مطرود ف ليل الشتا
تحت المطر ف البرد
القلب فيا انفطر
و الروح ملاها الخوف
ليه زحمة رغم الوسع
الدمع ليه بيطوف
يا سنين كئيبة كفى
جوانا ليه ساكنة
ليه ديما صوتك بكى
ما تغيري اللكنة
ما احناش حجر... لأ بشر
حنى على المظاليم
هو العذاب ليه كدا
منك تملي اليم
ليست هناك تعليقات:
إرسال تعليق