( جواز بالتقسيط ) م / عبالحميد سالم
البداية ::
يابنى احنا بنشترى راجل لجل يصونها
بس بنتنا غالية ومش هنخليها هفية
وإن كان عليا يا عمى عايزها بطولها
بس برضه مش كل حاجة هتبقى عليا
****
أم العروسة:
يابنى الشبكة دى ف الأصل هدية
كفاية دبلة وانسيال مع غويشتين
وشقة تمليك بس تكون برحة شوية
وافرشها براحتك وبالأجهزة الكهربائية
وف القايمة نكتب كله مهو دا حق ولية
غير الكوافير والتصوير ونادى ببوفيه
وعليتنا كبيرة ودعواتنا متقلش عن مية
******
العريس :
إمال يا حماتى انت هتجهزى إيه؟
وانت يا عمى م تطلب ساكت ليه ؟
هوا انت برضه مش راجل البيت
ولسة بتقول انا باشترى راجل
بس بصراحة يا ريتنى م جيت
دا احنا شباب طلعان أم عينيه
ومن شغلانة للتانية يدوب تنطيط
وبنتك خليها تقعد جنب مامتها
وف الاخر هتجوزها وبالتقسيط
******
العروسة
فكك منهم يابنى مش أنا وأنت متفقين
إيدى ف ايدك نبنى حياتنا بدون تعقيد
كفاية عليا منك دبلة دنا بنت جدعة بالتأكيد
وبحبنا دنيتنا هتحلى ف شقة إيجارها جديد
وبلاش تأفورها وتعمل سى السيد واحنا عبيد
قوم واتأسف لبابا وماما فكها بلاش تبقى عنيد
وكله إلا كرامة عيلتى وانا مش هتجوز بالتقسيط
يللا اقرا فاتحتى معاهم خلى الليلة بداية عيد
ليست هناك تعليقات:
إرسال تعليق