كنت باصدق
.................
لو هتعاتب .... قلبي خلاص
مش راح أحبك ولا مشتاقلك
قلبي كان يحلف ..... بحياتك
ف عز الليل .يبكي ويندهلك
ليه خبيت .... جواك الحيرة
دا دموع عيني لشوقي أسيرة
قلبك نبضه .... كان يخدعني
ياما لوعني .. عتاب الغيرة
كنت بأصدق .. غيرته عليا
كان يرويني ... حب و حنيه
كان إخلاصه .. دايما واضح
أتاريه كان .. بيلعب بيا
وردك شوكه .. صعب أذاني
ياما رماني .. جوا النار
كان بإيديك تمسح أحزاني
لكن قلبي ... سقيته مرار
كنت بشوف بعنيك الدنيا
كنت الحلم .. إللي تمنيته
ليه ضيعت الحب ف ثانية
بيت فرحنا بإيديك هديته
أوعي تجدد ... تاني جراحي
إياك تلعب .. ويا مشاعري
أنا مش راجع تاني لحضنك
ولا أقدر أسامح جرح وجعني
باكتم حزني ... بعد بعاده
وأدفن قلبي .. قبل ما يبكي
مش راح يشمت فيا الخاين
رغم قساوته عمرى ما أشكي
أنا دلوقتي .. اتمنى عذابه
حتى إن جاني .. يوم يتألم
مش راح أقبل . منه عتابه
لازم جرحي في قلبه يعلم
.....................
بقلم / محمد عباس أبو عمر
ليست هناك تعليقات:
إرسال تعليق